Charter Document - 05550020
| Charter Number: | 05550020 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1314 |
| Date type: | Internal, Feast |
| Resource Link(s): |
|
Charter:
Contigit die Sabbati in crastino inuentionis S[ancti] Crucis anno supradicto quod Johannes le Lecche inuenit Henricum de Insula clericum mortuum in villa Oxoniae in venella quae vocatur Grope lane et super eum leuauit hutesium et venerunt dicti coronatores eodem die et dictum Henricum mortuum personaliter viderunt et de morte eiusdem inquisitionem statim fecerunt et per sacramentum Roberti de Dryhull Nicholai de Dryhull Willelmi de Mora minoris Johannis Prest qui fecerunt de parochia B[eatae] Mariae Willelmi de Wythul Radulphi de Hayles Johannis de Coumbe Johannis de qwateley qui fuerunt de parochia B[eati] Petri in Oriente Roberti le Couper Thomae Chicheley Johannis Punchart Ricardi de S[ancta] Frideswyda qui fuerunt de parochia omnium Sanctorum Willelmi de Winchcombe Willelmi de Mora Willelmi Faunt Johannis le Hore qui fuerunt de parochia S[ancti] Martini qui dicunt per sacramentum corum quod die Sabbati praedicti cito post horam nonam Clerici de partibus Borealibus ex parte vna et Clerici de partibus Occidentalibus et Australibus ex altera venerunt in vico S[ancti] Johannis et in venella praedicta cum gladijs bokelarijs arcubus sagittis et alijs armis et ibidem ad inuicem pugnauerunt et in illo conflictu Robertus de Bridlyngton Ada de Aldurbeke Richardus de Loutheby et Ricardus de Holewelle simul steterunt in quodam solario in vico S[ancti] Johannis in le Goter halle sagittantes per vnam fenestram vsque in Grope lane et ibi dictus Robertus de Brydlington cum vna sagitta minuta sagittauit dictum Henricum de Insula et eum vulnerauit iuxta guttur ex parte sinistra in anteriore parte corporis et plaga fuit in latitudine vnius pollicis et profunditatis vsque ad cor et sic eum interfecit Item dicunt praedicti Jurati quod praedicti Ada de Aldurbek Ricardus de Loutheby Ricardus de Holewelle et Alanus de Limby praeceperunt dictum Robertum sagittare dictum Henricum mortuum et eum interficere et censentiebant ad mortem suam Item dicunt quod nihil sciunt de bonis dictorum malefactorum nec de receptatoribus eorum Plegii inuentoris Henr[] le Taylor Tho[] Sad[]
Source (click image below to view full size)
