Charter Document - 05550019
| Charter Number: | 05550019 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1307 |
| Date type: | Internal, Feast, Regnal |
| Resource Link(s): |
|
Charter:
Contigit die lune proxima post festum S[ancti] Augustini Episcopi anno regni regis Edwardi [primi] xxxv quod Johannes filius domini Milonis de Stapelton clericus inuentus fuit mortuus in hospitio suo ubi ipse manebat in parochia S[ancti] Petri Orient Oxon mane Thomas de Pichemor primo inuenit ipsum mortuum et leuauit ut esium et statim postea visus fuit per Johannem Wyth Coronatorem domini Regis ville Oxonie et habuit in eo ii plagas vnam videlicet in dorso suo iuxta spinam longitudinis iii pollicum et profunditatis usque ad cor et aliam plagam habuit in scapula sua dextra longitudinis ii pollicium et profunditatis per medium brachij Inquisitio inde capeta fuit statim postea coram Coronatore predicto per sacrametitum Simonis de Forceto Adam Ruod Walteri Culuerd Laurentii de Crek Willelmi del Oke Hugonis de Barton Johannis de Brimpton Radulphi de Haille Willelmi le Barber Johannis de Farindon Willelmi de Milton et Johannis de Stafford Juratorum de parochia S[ancti] Petri Orient Henrici de Taillur Henrici de Hampton Johannis de Conesgraue Ricardi de Mershton Roberti de Drihull et Radulphi de Witten Juratorum de parochia S[ancti] Johannis Willelmi de Stourton Simonis de Bradwey Willelmi de Dorham Ricardi de Stratford Nicholai le Couper et Walteri le Tayllur Juratorum de parochia Beate Marie virginis Simonis le Latoner Ricardi de Abyndon Roberti de Ocle Ricardi de Vpton Johannis de Sommerton et Roberti le Couper Juratorum de parochia omnium Sanctorum Et omnes predicti Juratores dicunt super sacramentum suum quod die dominica proxima precedente hora vespertina predictus Johannes filius domini Milonis iuit in quodam vico qui est de sub muro Orient Oxon iuxta Springaldescourt in parochia S[ancti] Petri predicta et ibidem venerunt Robertus de Knotton scriptor Johannes Saxendale Nicholas de Kirkham Johannes de Eboraco clerici et Willelmus de Fimmore frater Ricardi le Citoler et insultum fecerunt in predictum Johannem filium Milonis et predictus Robertus cum cultello suo vulnerauit ipsum in scapula dextra dictus vero Johannes de Saxendale cum quodam gladio vulnerauit ipsum in dorso iuxta spinam et statim predictus Johannes filius Milonis omni vi qua potuit euasit ab eis et sic fugit vsque in altum vicum versus portam Orientalem ville predicte et ibidem cecidit ad terram postea superuenerunt ibidem socij sui qui veniebant de lusu suo de campis vbi fuerunt extra villam et inuenerunt ipsum Johannem filium Milonis adhuc viuentem ceperunt ipsum et tulerunt eum vsque ad hospitium suum predictum ubi statim postea obiit propter plagas predictas Et dicunt predicti Jurati quod predictus Nicholaus de Kirkham Johannes de Eboraco et Willelmus de Fimmer fuerunt in societate predictorum Johannis de Saxendale et Roberti et consentientes interfectioni predicte plegii dicti inuentoris de essendo coram Justiciariis domini Regis ad primas assisas cum ad partes illas venerint Willelmus de Stourton et Nicholaus de Hanreth et predicti Robertus et Johannes de Saxendale attachiati fuerunt occasione predicta per balliuos ville Oxon et ibidem remanent in prisona quousque [] dicti vero Nicholaus Johannes de Eboraco et Willelmus post predictum factum fugerunt ita quod attachiari non potuerunt nec aliquid de bonis eorum potuit inueniri
Source (click image below to view full size)
