Charter Document - 05550017
| Charter Number: | 05550017 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1303 |
| Date type: | Internal, Feast, Regnal |
| Resource Link(s): |
|
Charter:
Contigit die veneris proxima ante festum Sancti Botulphi Abbatis Anno regni Regis Edwardi XXXI mane quod Johannes de Osgodeby clericus inventus fuit mortuus in vico in parochia Sancti Edwardi in Oxonia Osbertus de Wycombe primo invenit ipsum mortuum et statim levavit Hutesium Et eodem die visus fuit per Johannem de Oseneye Coronatorem et habuit tres plagas mortales in sinistra parte capitis cum quodam gladio usque in cerebrum Inquisitio inde capta fuit eodem die coram coronatore predicto per sacramentum Thome le Northern Johannis Sampson Ricardi Joye Johannis de la Cornere Willelmi le Taillor Willelmi de la More et Thome le Taillor Juratorum de parochia Sancti Edwardi Ade de Spalding Hugonis de London Willelmi le Bokbinder Johannis le Callester Petri le Taillor Willelmi de Ykeford et Ricardi de Sutton Juratorum de Parochia Sancte Marie Virginis Thomae de Morton Roberti le Mareschal Ricardi de Garsinton Thome Fabri Johannis Scot Willelmi de Wodestok Galfridi Fabri et Simonis Selinode Juratorum de parochia Sancti Aldati Johannis le Longesauser Johannis de Pesemere Willelmi de Oseneye Johannis de Caversfeld Nicholai de Welles Johannis de Schireburn et Rogeri Levesone Juratorum de parochia Sancti Martini Et omnes predicti juratores dicunt super sacramentum suum quod die Jovis proxima precedente circa horam ignitegii Thomas de Weldon clericus et Johannes le Northern garcio ejus et Nicholaus de Vylers de Hibernia clericus obviaverunt predicto Johanni de Osgodeby in Parochia Sancti Edwardi predicto et ibidem cum gladiis insultaverunt cum et occiderunt et statim omnes fugerunt Et de bonis predicti Thome nichil inveniri potuit Et Johannes le Northerne nichil habuit in bonis Set de bonis et catallis Nicholai de Vylers inventum fuit ad valentiam xiij s[olidi] xi d[enarios] ut in pannis et libris unde Johannes de Dokelinton et Johannes de Beverlaco tunc Ballivi respondebunt Plegii predicti inventoris de essendo [] Rogerus Mortemer cissor et Berardus Kempe sutor
Source (click image below to view full size)
