Charter Document - 05550016
| Charter Number: | 05550016 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1302 |
| Date type: | Internal, Regnal, Feast |
| Resource Link(s): |
|
Charter:
Contigit die Dominica proxima post festum Sancti Laurentii martyris Anno regni Regis Edwardi XXX quod Johannes filius Johannis Godefrey de Benseye inventus fuit mortuus in riparia Tamisie juxta la Wyke Willelmus de Warewyk primo invenit ipsum mortuum et statim levavit Hutesium Et eodem die visus fuit per Johannem de Oseney coronatorem et nullam habuit plagam nec aliquam aliam lesionem apparentem Inquisitio inde capta fuit eodem die coram coronatore predicto per sacramentum Johannis le Schote Willelmi Jones Thome Reynald Waltere Jones Hugonis Nichol et Ade Bonevait Juratorum de Hameletto de Benseye Nicholai Crabbe Roberti le Sawyere Willelmi de Yslip Nicholai Whiting Johannis Attepole et Thome le Mazun Juratorum de Parochia Sancti Thome Martyris Nicholai de Hailesdon Thome Pouk Willelmi Pouk Simonis le Mazun Willelmi Attewell et Willelmi de Coventre Juratorum de Parochia Sancti Egidii Thome le Yrmongere Roberti Blaunkeneye Ricardi de Berkeleye Willelmi de Lamburn Johannis de Odyham et Willelmi de Stok Juratorum de Parochia Sancti Michaelis Borealis Et omnes predicti juratores dicunt super sacramentum suum quod die sabbati proxima precedente predictus Johannes filius Johannis Godefrey falcabat in prato de [] Boteleye cum aliis falcatoribus per totum diem usque ad occasum solis et propter caliditatem temporis tantum bibebat quod inebriatus fuit et tunc voluit transire ultra Tamisiam in quodam Batello versus domum suam ubi manebat in la Wyk et ut intravit in batellum suum statim per infortunium cecidit in aquam et se submersit Et dicunt super sacramentum suum quod non est aliquis culpabilis de morte ejus Plegii predicti inventoris de essendo [] Johannes le Nhote et Willelmus W[] Et predictum Batellum appreciatur ad xii d[enarios] quia valde debile de quo precio decenaria de Bensey cum tota decenaria sua respondebit
Source (click image below to view full size)
