Charter Document - 05550015
| Charter Number: | 05550015 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1301 |
| Date type: | Internal, Regnal, Feast |
| Resource Link(s): |
|
Charter:
Contigit die Sabbati proxima ante festum Sancte Lucie Virginis Anno regni Regis Edwardi XXX quod Johannes de Hampslape de Comitatu Northampton clericus inventus fuit mortuus in Oxonia in vico de Catte streete Willelmus le Schovelere primo invenit ipsum mortuum et statim levavit Hutesium Et eodem die visus fuit per Johannem de Oseney coronatorem et habuit unam plagam mortalem in pectore usque ad cor cum quodam cultello cujus latitudo fuit duorum pollicum Inquisitio inde capta fuit eodem die coram coronatore predicto per sacramentum Simonis le Bokbinder Radulphi le Cyrgien Willelmi le Taillor Petri Telor Johannis le Taillor Henrici Hudde et Johannis de Northampton Juratorum de Parochia beate Marie Virginis Simonis le Barbor Thome le Tayllor Johannis de Hampstede Roberti le Coupere Ricardi de Hedindon et Johannis de Abindon Juratorum de Parochia Sancte Mildrede Henrici de Ros Roberti de Okie Petri de Oxonia Galfridi de Covele Johannis le Barbor et Thome Fabri Juratorum de Parochia Omnium Sanctorum Gilberti de Grinstede Henrici le Lumenur Nicholai de Hanrede Johannis de Lecche Radulfi le Bakere et Henrici Cissoris Juratorum de Parochia Sancti Johannis Et omnes predicti juratores dicunt super sacramentum suum quod die veneris proxima precedente predictus Johannes circa horam ignitegii exivit a camera sua ubi manebat ad capud boreale magnarum scolarum ad faciendam urinam et audiuit verba contumeliosa inter quendam Thomam de Horncastel et Nicholaum de la Marche clericos manentes in quadam camera ad capud Australe dictarum scolarum ibidem Johannes vidit predictum Nicholaum de la Marche extrahentem cultellum suum ad occidendum predictum Thomam de Horncastel et cucurrit inter eos ad perturbanduni predictum Nicholaum ne occideret predictum Thomam Ed idem Nicholaus cum dicto cultello percussit dictum Johannem usque ad cor unde statim obiit Et predictus Nicholaus fugit ita quod non attachiari potuit eo quod istud factum accidit noctanter et nullum Hutesium fuit levatum Plegii predicti inventoris de essendi [] Simon le Gertende et Walterus Kegweyn
Source (click image below to view full size)
