Charter Document - 05550009
| Charter Number: | 05550009 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1300 |
| Date type: | Internal, Regnal, Feast |
| Resource Link(s): |
|
Charter:
Contigit die dominica proxima ante festum Sancti Thome apostoli anno regni Regis Edwardi XXIX circa horam ignitegii quod Johannes de Rypon inuentus fuit mortuus in parochia Sancti Michaelis Borealis Oxon Thomas Yvo primo invenit ipsum mortuum et statim leuauit hutesium Et die Lune sequente mane visus fuit per Johannem de Oseneye Coronatorem et habuit unam plagam in capite cum quodam baculo longitudinis quatuor pollicum et latitudinis duorum pollicum et caput tundebatur ferro usque ad cerebrum Inquisicio inde capta fuit eodem die coram Coronatore predicto per sacramentum Gilberti de Wynchecombe Radulphi le Barber Johannis le ffember Petri le Cornere Ade de Cirencestria Roberti de Dereby et Johannis de Bedeford [] Juratorum de parochia Sancti Michaelis Borealis Petri de Ekecestria Walteri de Reygate Roberti de Ocle Roberti Sperhaucke Simonis le Latener Philippi le Gaunter Juratorum de parochia omnium Sanctorum Johannis de Abyndon Thome le Mazun Gilberti Fayreye Reginaldi de Merschton Ricardi de Burencestria et Ade de Mathine Juratorum de parochia Sancte Mildride Johannis le Chaundeler Thome Loyt Roberti de Burencestria Johannis de Caueresfeld Johannis le Hucchire et Roberti de Quenynton Juratorum de parochia Sancti Martini Et omnes predicti Juratores dicunt super sacramentum suum quod die Dominica supradicta circa horam ignitegii contencio uerborum mota fuit inter predictum Johannem de Rypon et quemdam Ricardum de Malteby ita quod predictus Ricardus de Malteby cum quodam baculo percussit predictum Johannem in capite vnde obiit statim Plegii predicti Inventoris Willelmus de Shenkleye et Radulphus Taloun Et predictus Ricardus statim fugit ita quod attachiari non potuit nec aliquid habuit in bonis
Source (click image below to view full size)
