Charter Document - 05550007
| Charter Number: | 05550007 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1300 |
| Date type: | Internal, Regnal |
| Resource Link(s): |
|
Charter:
Ibidem contigit die Mercurij proximo post gulam Augusti anno regni Regis Edwardi XXVIII hora j quod quidam clericus nomine Willelmus de Bangor de Hybernia inuentus fuit mortuus inter Middeley et exclusas Abbatis de Osney Ricardus de Hayle primo inuenit ipsum mortuum et statim leuauit hutesium et eodem die visus fuit per Johannem de Osney Coronatorem et nullam habuit plagam nec aliam laesionem apparentem Inquisitio inde capta fuit eodem die coram Coronatore praedicto per sacramentum Johannis le Nhote Willelmi Derling Johannis Person Adae Boneuent Hugonis Rolues et Johannis Simond Juratorum de Hameletto de Bensey Roberti Tropinel Willelmi de la Wyke et Johannis Godefrey Juratorum de Hameletto de la Wyke Ricardi le Lindraper Henrici de Beaumount Roberti Pope Ricardi le Cha Willelmi de Barton Ricardi le Baker Willelmi Boneyre et Johannis de Barton Juratorum de parochia S[ancti] Thomae Martyris Nicholai de Weston Walteri de Henford Henrici de Ocle Nicholai de Emynton Willelmi de Emynton et Ricardi le Souter Juratorum de parochia S[anctae] Ebbae Et omnes praedicti Jurati dicunt super sacramentum suum quod die lunae proximo praecedente dictus Willelmus de Bangor iuit balneare in riparia Thamisiae inter Middeley et exclusas supradictas et per infortunium se submersit et dicunt super sacramentum suum quod non est aliquis culpabilis de morte eius plegii praedicti Inuentoris de essendo [] Simon le Garlender et Thomas Yue
Source (click image below to view full size)
