Charter Document - 05550005
| Charter Number: | 05550005 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1299 |
| Date type: | Internal, Feast, Regnal |
| Resource Link(s): |
|
Charter:
Ibidem Contigit die dominica proxima ante festum Apostolorum Philippi et Jacobi anno regni Regis Edwardi xxvii quod Margena de Hereford obijt in quadam domo in parochia S[ancti] Aldati Oxon et eodem die visa fuit per Johannem de Oseneye Coronatorem et habuit vnam plagam iuxta mamillam sinistram latitudinis vnius pollicis et profunditatis v pellicum et eodem die capta fuit inde inquisitio coram Coronatore predicto per sacramentum Thome le Marescall Johannis Bishop Thomae le Parmenter Johannis de Twye Thomae le Turnur Hugonis le pastiler et Galfredi de Langford Juratorum de parochia S[ancti] Aldati Willelmi Chaunterel Willelmi le Halte Souter Thomae de Weseham Gilberti de dos Johannis Sewy et Johannis le Tayllor Juratorum de parochia S[ancti] Frideswyde Willelmi le Fletcher Radulfi le Wall Galfredi le Sutor Walteri le Cha Willelmi le Plomer et Thomae de Sutton Juratorum de parochia S[ancti] Michaelis Australis Johannis de Goseford Willelmi de Barton Johannis de Barton Ricardi le Baker Rogeri de Haleghton et Nicholai de Forsthull Juratorum de parochia S[ancti] Thomae Martyris Et omnes predicti Jurati dicunt super sacramentum suum quod die veneris proximo precedente quidam clericus cuius nomen ignoratur duxit predictam Margeriam circa horam igni tegii usque ad Aulam domini Regis et ibi concubuit carnaliter cum ea et quia ipsa petijt ab eo mercedem suam ideo ipse extraxit cultellum suum et vulnerauit eam iuxta mamillam sinistram vnde obijt ut predictum est sed habuit omnia iura ecclesiastica et dictus clericus statim euasit ab ea ita quod attachiari non potuit nec nomen eius potuit inquiri
Source (click image below to view full size)
