Charter Document - 05550002
| Charter Number: | 05550002 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1297 |
| Date type: | Internal, Regnal |
| Resource Link(s): |
|
Charter:
Contigit die Jouis in prima septimana Quadragesime anno regni Edwardi [primi] xxv quod quidam Willelmus de Neushom garcio domini Johannis de Kytegreins obijt sero in quodam hospitio ubi predictus dominus Johannes fuerat hospitatus die Martis proximo precedente in parochia S[ancti] Martini Oxon et die veneris sequente mane visus fuit per Coronatorem predictum et habuit vnam plagam in anteriori parte capitis latitudinis IV pollicum et longitudinis vi pollicum et profunditatis vnius pollicis Inquisitio inde capta fuit eodem die per sacramentum Nicholai de Ouerton Thome de Boleworth Rogeri de Wallingford Walteri de Wycombe Johannis le Longe Saucer Willelmi de Oseney et Johannis de Abindon Juratorum de parochia S[ancti] Martini Walteri de Witneye Roberti de Bampton Johannis Bishop Carnificis Willelmi le Orfeuere Philippi le Gaunter Johannis de Hakeburn Roberti Smart Juratorum de parochia Omnium Sanctorum Willelmi de Brehull Johannis de Tywe Johannis Payn Roberti Kepeharm Hugonis le Bastiller et Thome le Marshall Juratorum de parochia S[ancti] Aldati Johannis de Ardern Ricardi de Espicer Johannis de Weston Galfredi le Mercer Ricardi de Otyndon et Alexandri de Bloxham Juratorum de parochia S[ancti] Petri in Balliuo Et omncs predicti Jurati dicunt super sacramentum suum quod die Martis in i septimana quadragesime anno supradicto predictus Willelmus de Neushom et alij de familia predicti domini Johannis de Ketegreins venerunt cito post igni tegium in bocheria et viderunt Johannem Beneyt Juniorem stantem inter II stalla et facientem vrinam et predictus Willelmus de Neushom extraxit gladium suum et percussit predictum Johannem Beneyt cum puncto ex transuerso frontis capitis sui et idem Johannes statim leuauit hutesium et intrauit in domum Johannis Beneyt senioris et quesiuit gladium suum et ipse simul cum predicto Johanne Beneyt seniore et Johanne de Walteford sequebantur eos versus hospitium predicti domini Johannis de Ketegreins et predictus Willelmus de Neushom et socij sui reuertebantur contra eos et sic pugnando inter eos predictus Johannes Beneyt Junior vim vi repellendo percussit dictum Willelmum in capite et fecit ei predictam plagam vnde obiit die supradicto sed habuit omnia iura sua ecclesiastica et dicunt predicti Jurati quod non est aliquis alius culpabilis de morte predicta nisi predictus Johannes Beneyt Junior quia dicunt quod predicti Johannes Beneyt senior et Johannes de Walteford venerunt pro conseruatione pacis domini Regis propter hutesium leuatum et non aliter et predictus Johannes Beneyt Junior attachiatus fuit et in gaola detentus donec deliberatus fuit per patriam coram
Source (click image below to view full size)
