Charter Document - 05550001
| Charter Number: | 05550001 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1297 |
| Date type: | Internal, Feast, Regnal |
| Resource Link(s): |
|
Charter:
Contigit die lune proximo post festum purificationis Beate Marie virginis anno regni regis Edwardi xxv quod Johannes Metescharp de Oxonia obijt in domo Radulfi le Cyrgien in parochia S[ancti] Aldati Oxonie et eodem die visus fuit per Johannem de Oseneye Coronatorem domini Regis et habuit vnam plagam in latere sinistro cum quadam sagitta minuta latitudinis dimidij pollicis et profunditatis quinque pollicum et eodem die capta fuit inde Inquisitio coram Coronatore predicto per sacramentum Thome de Morton Thome le Parmenter Johannis de Staunford Ricardi de Bampton Thome de Lewes Galfredi fabri et Thome le Turnur Juratorum de parochia S[ancti] Aldati Nicholai de Lyncoln Nicholai de Weston Ricardi Sutton Johannis de Themele Willelmi Kynge et Johannis le Furnur Juratorum de parochio S[ancte] Ebbe Adam de Tylhurst Willelmi de Godestowe Ricardi de Eynsham Alexandri de Bloxham Roberti de Quenynton et Roberti de Fulbroke Juratorum de parochia S[ancti] Petri in Balliuo Thome de Weston Thome de Boleworth Walteri de Eynesham et Gilberti de Couele Juratorum de parochia S[ancti] Martini et omnes predicti Jurati dicunt super sacramentum suum quod die Sabbati in festo purificationis Beate Marie virginis anno predicto quidam Michael Mancipium clericorum habitantium apud la Bolehalle in parochia S[ancti] Aldati et quidam Johannes de Skurf clericus et quidam Madocus clericus Wallensis iuerunt per vicos cum gladijs et arcubus et sagittis citra horam igni tegii et insultauerunt omnes transeuntes per illos per quod hutesium leuatum fuit et predictus Johannes Metescharp et alij audientes hutesium exierunt a domibus suis ad pacem domini Regis conseruandam et vt predictus Johannes venit in vicum statim predictus Michael sagittauit eum et fecit ei predictam plagam vnde obijt die supradicto sed habuit omnia iura Ecclesiastica et statim post factum predictum predictus Michael et omnes alij fugerunt ita quod attachiari non potuerunt nec aliquid de bonis eorum potuit inueniri
Source (click image below to view full size)
