Charter Document - 05520004
| Charter Number: | 05520004 |
|---|---|
| Cartulary Title: | The Surrey Endowments of Lewes Priory before 1200 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1175 - 1188 |
| Date type: | Assigned |
| Resource Link(s): |
|
Charter:
Ricardus dei gratia Wintoniensis Episcopus Vniuersis Sancte matris ecclesie filiis ad quos presens carta peruenerit Salutem in domino Ratio postulat et utentium moribus approbatum est ut que rationabiliter geri uidentur litterarum apicibus debeant annotari ne tractu temporum obliuio deleat que ipsa rerum gestarum ueritas confirmat Ea propter Vniuersitati uestre notum facimus quod nos ad presentationem prioris et Monachorum de Lewes concessimus et dedimus Magistro Jordano de Londoniis Ecclesiam de Blachingelea cum Capella sua de Horne et cum omnibus rebus ad Ecclesiam illam et Capellam pertinentibus Et ipsum Jordanum eiusdem Ecclesie et Capelle personam instituimus Salua prelibatis Monachis annua pensione Sexaginta solidorum quam idem Jordanus eis soluet Et ut hec nostra concessio et donatio nullius in posterum ualeat machinatione turbari eam scripto presenti et sigilli nostri munimine duximus roborandam His testibus Herberto Cantuariensi Archidiacono Philippo priore Oxeneford Adam Monacho de monte acuto Ranulfo Canonico Luca Canonico Albino Canonico Philippo Capellano Magistro Gregorio Magistro Stephano Magistro Hamone Jordano de Turri Willelmo de Sancta fide Jordano de Sancto Michaele Jocelino Clerico Martino clerico Roberto clerico Bartholomeo blundo Angero Decano Benedicto de Lond Petro de Westm et multis aliis
Source (click image below to view full size)
