Charter Document - 05510224
| Charter Number: | 05510224 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1263 - 1268 |
| Date type: | Assigned |
| Resource Link(s): |
|
Charter:
Omnibus hominibus hoc scriptum visuris vel audituris Galfridus filius Hugonis Hwyt [et] Brayles salutem in domino Noveritis me teneri domino Willelmo Mauduit [V] comiti Warr ad totam meam vitam stare in libero servitio suo videlicet ad ipsum serviendum dum ei placuerit et ad compotum reddendum de balliva mea cum necesse fuerit Et si forte contigerit quod absit quod ego predictus Galfridus a servitio predicti domini Willelmo Mauduit comitis me aliqua occasione elongassem licet bene tunc domino Willelmo Mauduit predicto recuperare et rehabere illud mesuagium et illam virgatam terre cum pertinenciis que mihi dedit pro homagio meo per unam cartam et corpus meum in eodem statu quo prius habuit sine calumpia ita quod nulla carta feoffamenti nec libertatis mihi valere posit In cuius rei testimonium huic presenti scripto sigillum meum apposui Hiis testibus domino Roberto de Totehall Willelmo de Capel Henrico filio Radulfi clerici de Braylles Galfrido Hwyt Ada chapellein et aliis