Charter Document - 05510221
| Charter Number: | 05510221 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1287 |
| Date type: | Internal, Regnal |
| Resource Link(s): |
|
Charter:
Edwardus dei gracia rex Anglie dominus [] Aquitannie archiepiscopis episcopis abbatibus prioribus comitibus baronibus justic[ibus] vicecomitibus prepositis ministris et ommnibus ballivis et fidelibus [] Sciatis nos ad instanciam carissime matris Alianore regine Anglie concessisse et hac carta nostra confirmasse pro nobis et heredibus nostris Matildi []erin le Forester Johanni filio eiusdem Matildis Ricardo filio Gilberti et Alicie que fuit uxor Willelmi Frebern nuper sokemannis nostris manerii []thorp in comitatu Northamptonie quod ipsi et eorum heredes et exitus eorundem sint liberi et libere condicionis existant et sint quieti decetero de tallagiis merchettis leirwitiis et omnibus aliis exaccionibus que a sokemannis seu tenentibus dicti manerii exigi consueverunt Et quod quilibet eorum et eorum heredes habeant et teneant de nobis et heredibus nostris unum mesuagium et dimidiam virgatam terre cum pertinenciis in manerio nostro predicto quod iidem Matilidis Johannes Ricardus et Alicia prius in socagioum secundum consuetudinem predict[i] manerii tenuerunt Reddendo nobis et heredibus nostris decetero pro quolibet mesuagio et qualibet dimidia virgate terrecum pertinenciis duodecim solidos per annum per manus ballivorum manerii nostri predicti qui pro temp[o]re fuerint ad duos anni terminos in dicto manerii consuetos pro omnis servicio ad nos et heredes nostros inde quomodolibet pertinente imperpetuum Quare volumus et firmiter precipimus pro nobis et heredibus nostris quod predicti Matildis Johannes Ricardus et Alicia et eorum heredes et exitus eorundem sint liberi et libere condicionis existant et sint quieti decetero de tallagiis merchettis leirwitis et omnibus aliis exaccionibus que a sokemannis seu tenentibus dicti manerii exigi consuevereunt Et quod quilibet eorum et eorum heredes habeant et teneant de nobis et heredibus nostris unum mesuagium et dimidiam virgatam terre cum pertinenciis in manerio nostro predicto que iidem Matildis Johannes Ricardus et Alicia prius in sokagium secundum consuetudinem predicti manerii tenuerunt Reddendo nobis et heredibus nostris decetero pro quolibet mesuagio et qualibet dimidia virgata terre cum pertinenciis duodecim solidos per annum per manus ballivorum manerii nostri predicti qui pro tempore fuerint ad duos anni terminos in dicto manerii consuetos pro omni servicio ad nost[ris] et heredibus nostris inde quomodolibet pertinente imperpetuum sicut predictum est Hiis testibus venerabili patre R Bathonensi et Wellensi episcopo Edmundo fratre nostro Willelmo de Valencia avunculo nostro Edmundo comite [] [Gil]berto de Clare comite Gloucestria et Hertford Henrico de Lascy comite Lincoln Edmundo de Mortuo Mari Ricardo de Brus [] Willelmo de Leyburn et aliis Dat[um] per manum nostram apud Dovoriam duodecimo die Maii anno regni nostri quintodecimo