Charter Document - 05510215
| Charter Number: | 05510215 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1215 - 1225 |
| Date type: | Assigned |
| Resource Link(s): |
|
Charter:
Omnibus hoc scriptum visuris vel audituris Avicia de Venables salutem Noveritis me in libera viduitate mea quietum clamasse de me et de omnibus successoribus meis et liberum fecisse ab omni servicio et ab omni servitute ad me et ad successoribus meis pertinente Robertum filium Walteri Francigeni de Scameleby servientem meum Ita quod idem Robertus poterit facere de se ipso et de omnibus rebus suis quicquid sibi placuerit et ire et redire ubicumque et quandocumque sibi placuerit et de se et de omnibus rebus suis sicut liber homo disponere absque omni reclamacione mei et successorum meorum inperpetuum Et in huius rei robur et testimonium eidem Roberto litteras meas sigillo meo signatas feci patentes Hiis testibus Randulfo de Calwell decano Willelmo de Calwell capellano Ricardo capellano de Scamelesby Johanne filio Roberti Symone de Randeby Philippo de Kele et multis aliis