Charter Document - 05510205
| Charter Number: | 05510205 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Lay |
| Charter Type(s): | Manumission |
| Date: | 1299 - 1303 |
| Date type: | Assigned |
| Resource Link(s): |
|
Charter:
Pateat universis presentem scriptum visuris vel audituris quod ego Jacobus de Mertone locum tenens domini Ricardi de Bosco militis tunc temporis relaxavi et omnino quietumclamavi pro me et heredibus meis et assignatis meis quibuscumque Henrico Atenok et Adam Atenok filium eius de parochia de Dymmok quorum nayvitatem habui ex dono domini Ricardo de Bosco militis prenominati ab omni nayvitate in qua michi quoquomodo tenebantur volens et concedens quod predictus Adam et predictus Henricus cum omni sequela sua et omnibus bonis et catallis suis tam mobilibus quam inmobilibus eant et redeant vivant et gaudeant et liberi semper permaneant sine omni clamio et calumpnia et sine omni impedimento et retenemento meo vel heredum meorum vel quorumcumque assignatorum meorum imperpetuum Salva michi et heredibus meis sive assignatis meis unam Rosam in festo nativitatis Beati Johannis Baptiste In cuius rei testimonium has literas meas sibi feci patentes Et ad maiorem securitatem meam cartam quam habui de domino Ricardi de Bosco de sua manumissione relaxione et quietaclamantia sibi coram viris fidedignis propriis manibus liberavi Hiis testibus Domino Johanne de Fromptone rectore ecclesie de Wynterbornehundingtone Philippo rectore ecclesie de Fromebelet Johanne de Hereford capellano Willelmo de Penbrugge Waltero Haket Rogero Waryn Ricardo clerico de Dymmok et aliis Datum apud Werdesford quarto idiis maii anno regno regis Edwardi vicesimo septimo