Charter Document - 05510204
| Charter Number: | 05510204 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1299 - 1303 |
| Date type: | Assigned |
| Resource Link(s): |
|
Charter:
Pateat universis tam presentibus quam futuris quod ego Ricardus de Boys miles remisi et penitus de me et heredibus assignatis meis inperpetuum quietumclamavi Jacobo de Merton senescallo meo et heredibus et assignatis suis totum ius et clamium quod habui vel aliquo modo habere potui seu inposterum habere potero in Henrico Atenok de Dymmok nativo meo cum tota sequela et omni parentela sua cum omnibus catallis suis inperpetuum Volens et concedens quod eant et redeant vivant et gaudeant ubicumque voluerint et melius et commodius sibi expedire viderint libere quam bene et in pace sine omni calumpnia vexatione seu impedimento mei vel heredum meorum seu quorumcumque assignatorum meorum inperpetuum et ut hec remissio et manumissio relaxatio et quietumclamantia de me et heredibus meis sive assignatis meis perpetue firmitatis robur optineant ac rata et stabilis et in concussu et sine dolo et fraude sine fine perseveret hanc presentem cartam sigilli mei inpressione roboravi Hiis testibus Ricardo de Portus Waltero Haket Rogero Waryn Nicholao de Stertedene Johanne de Bosco Thome de Hewe Johanne de Otle Willelmo le Palmer Ricardo clerico de Dymok et multis aliis