Charter Document - 05510190
| Charter Number: | 05510190 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1250 - 1267 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus de Montefixo dedi concessi et hac presenti carta mea confirmavi Eustachio de Barenton pro homagio et suo servicio unum mesuagium et dimidiam virgatam terre cum prato ad eundem spectantem cum omnibus pertinentiis suis in villa de Barenton et unam acram terre cum pertinentiis in eadem villa videlicet totum illud tenementum quod Henricus Russel tenuit de me in eadem villa de Barenton Preterea dedi concessi et manumisisse eidem Eustachio predictum Henricum nativum meum cum tota sua sequela et progenie ab eo iam procreata vel procreanda cum omnibus catallis suis iure possessorio sibi spectantibus Habendum et tenendum totum predictum tenementum et predictum Henricum cum tota sequela sua et progenie ab eo procreata vel procreanda cum omnibus catallis suis predicto Eustachio et heredibus suis vel assignatis et eorum heredibus de me et heredibus meis inperpetuum Reddendo inde annuatim mihi et heredibus meis decem solidos et sex denarios et obolum videlicet ad festum S[ancti] Michaelis duos solidos et sex denarios et unum obolum ad Nativitatem domini duos solidos et [octo] denarios et [obolum et] ad Pascham duos solidos et septem denarios et obolum et ad Nativitatem S[ancit] Johannis Baptiste duos solidos et septem denarios et obolum et ad auxilium vicecomitis duos denarios et obolum et quadrantem scilicet ad Nativitatem B[eate] Marie tres obolos ad Annunciacionem B[eatam] unum denarium et quadrantem pro omnibus serviciis consuetudinibus sectis curie et omnibus secularibus demandis Et ego predictus Ricardus de Montefixo et heredes mei warantizabimus acquietabimus et defendemus totum predictum tenementum cum omnibus pertinentiis suis et predictum Henricum et totam suam sequelam et progeniem ab eo iam procreatam vel inposterum procreandam cum omnibus catallis predicto Eustachio et heredibus sui vel suis assignatis contra omnes gentes per predictum servicium inperpetuum Ita quod nec ego Ricardus nec heredes mei nec aliquis per nos neque pro nobis inpredicto Henrico nec in sequela sua progenie ab eo iam procreata vel procreanda nec in catallis suis aliquid iuris vel clamium decetero exigere vel clamare poterimus Et ut hec mea donacio concessio manumissio warrantia et presentis carte confirmacio perpetuum firmitatis robur optinet presenti carte sigillum meum apponi Hiis testibus Domino Willelmo de Lamburn milite Willelmo de Kyrkeby tunc senescallo Roberto de Houton Warino filio Radulfi de Barenton Warino filio Swayn Willelmo de la Haye de Sceprethe Radulfo de Careseye de Foxton Thurberno de Haselingefeld Willelmo le Palmer et aliis