Charter Document - 05510157

Universis sanctem matris ecclesie filiis ad quos presen scriptum pervenerit Robertus de Berkel salutem Sciatis me pro salute anime mee mee patris mee matris mee uxorum mearum quas duxi dedisse et concessisse et hac presenti carta mea confirmasse Deo et ecclesie Sancte Trinitatis et Beate Marie et Sancti Augustini de Bristollo et canonicis regularibus ibidem Deo servientibus in liberam et puram et perpetuam elemosinam Hugonem pistorem servientem meum quem antea liberum feci et heredes suos cum illa virgata terre apud Hulemanecote quam idem Hugo de me tenuit pro qua michi viginti solidos esterlingorum annuatim reddere consuevit Ut ipse et heredes sui predictis canonicis reddant duas summas frumenti ad oblatas faciendas et decem solidos ad vinum emendum ad consecratione corporis et sanguinis Domini nostri Jesu Christi pro omnihus servitiis et secularibus demandis Ego vero et heredes mei predictam terram de regalis servicio acquietabimus in perpetuum Volo etiam quod predicti canonici prefatam elemosinam adeo libere et quiete possideant ut nichil michi vel heredibus meis nec alicui hominum in aliquo servicio respondeant nisi solo Deo in orationibus Omnes vero successores meos qui huic caritative donationi et concessioni mee obviare vel contradicere presumpserunt in conventu predictorum canonicorum et in pleno capitulo de Berkelay publice exommunicari feci Et quia volo quod hec mea caritativa donatio et concessio perpetuo guadeat stabilitate eam presenti carta sigilli mei impressione roborato confirmavi Hiis testibus Rogero filii Nicholai Henrico de Berkel Ada filio Nigelli Simone de Clepetune Ricardo de Coueleg Johanne de Crauleg Elya de Bristoll canonico Hereford Henrico et Ada capellanis de Berkel Johanne et Willelmo capellanis Mauricio filio Nigelli Ricardo de Cromhale Elya de Slimbrugge Johanne de Egginton et multis aliis