Charter Document - 05510146
| Charter Number: | 05510146 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1304 |
| Date type: | Internal, A.D., Calendar |
| Resource Link(s): |
|
Charter:
Omnibus ad quos presentes littere pervenerint Willelmus permissione divina abbas de Seleby et eiusdem loci conventus salutem in domino Noveritis nos unanimi assensu et voluntate capituli nostri remisisse et confirmasse Robertum de Ludington clericum filium Thome de Estoft esse liberum hominem et remisimus et quietum clamavimus pro nobis et successoribus nostris inperpetuum predictum Robertum omnimodo actione et clamacione quo erga ipsum habuimus vel quoquo modo habere poterimus racione alicuius vilenagii vel cuiuscumque servitii servitutis Remisimus etiam pro nobis et successoribus nostris quod idem Robertus cum tota sequela sua de corpore suo exeunte ire et redire possunt ubicumque voluerint cum bonis et catallis suis absque aliqua calumpnia contradictione vel impedimento nostro aut successorum nostrorum Ita quod nec nos nec successores nostri in predicto Roberto aut in sequela sua seu in catallis eorum aliquod ius vel clamium alicuius villenagii vel servitutis de cetero habere poterimus vel vendicare inperpetuum nec predictus Robertus nec heredes sui aliquod ius vel clamium in aliqua terra infra villam de Ludington vel alibi in dominio nostro vendicare poterit ante conferentiam presentium litterarum In cuius rei testimonium et datum in capitulo nostro apud Seleby iii nonas Januarii anno domini mccciv