Charter Document - 05510134
| Charter Number: | 05510134 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quos presens scriptum pervenerit Ricardus permissions divina abbas de Burg S[ancti] P[etri] et ejusdem loci conventus salutem in domino sempiternam Noverit universitas vestra nos manumisisse et ab omni jugo servitutis liberasse Willielmum filium Ricardi de Wythington quem aliquo tempore pro nativo nostro habuimus cum tota sequela sua et omnibus catallis suis ita quod nec nos nec successores nostri Aliquid juris vel clamii in predicto Willielmo sequela sua seu catallis suis exigere seu clamare poterimus Sed ipse Willielmus et tota sequela sua cum omnibus catallis liberi et quieti remaneant absque inquietatione exactione seu clamio nostri vel successorum nostrorum ratione alicujus servitutis inperpetuum Volumus etiam et concedimus quod ipse et heredes sui messuagia terras redditus et prata in Wythington que antecessores sui tenuerunt de nobis et antecessoribus nostris dando et faciendo finem qui appellatur merchet pro filiabus suis maritandis et auxilium de anno in annum pro voluntate nostra de ceteris habeant et teneant de nobis et succesoribus nostris libere quiete pacifice et hereditarie reddendo inde nobis et successoribus nostris annuatim quadraginta solidos sterlingorum ad quattuor terminos pro omni servitio exactione consuetudine et demanda seculari Salvis tamen nobis sectis curie nostre de Castre de tribus septimanis in tres septimanas wardis et releviis et forinseco domini regis cum acciderint Et si contingat dictum Williemum vel heredes suos sine herede aliquo tempore decedere dicta mesuagia terra redditus et prata cum pertinentiis nobis et successoribus nostris plene et integre revertentur Nec licebit Willielmo vel heredibus suis dicta mesuagia [] vel eam aliquam partem dare vendere alienare invadiare seu aliquo modo incumbrare quo minus dicta mesuagia [] predicta in forma supranominata nobis et successoribus revertantur Quod si secus fecerint factum suum penitus cassetur et quod inde alienatum fuerit nobis et successoribus nostris incurratur In cuius rei testimonium huic scripto in modo cyrographi confecto ad maiorem securitatem sigilla alternatim sunt appensa Hiis testibus [] Dat[um] apud Burg ob amorem domini Roberti bonae memoriae quondam abbatis predecessoris nostri et avunculi nostri et avunculi dicti Willielmi et ad instantiam boni viri fratris Hugonis de Mutton germani dicti Roberti abbatis A[nno] D[omini] MCC Septuagesimo octavo in vigil pentecostis