Charter Document - 05510129
| Charter Number: | 05510129 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1285 |
| Date type: | Internal, Calendar, Regnal |
| Resource Link(s): |
|
Charter:
Universis Christi fidelibus presens scriptum visuris vel audituris Johannes filius Godefridi Wale de Hemesby salutem in domino Noverit universitas vestra quod cum nuper in curia domini regis dominum meum dominum Willelmum de Kyrkeby priorem ecclesie sancti Trinitatis de Norwyco per breve nove disseisine de quodam tenemento in Hemesb minus iuste inplicitave erim ego tandem sectam meam versus predictum priorem irritam senciens et indemnitati mee prospiciens in hac parte concessi remisi relaxavi et omnino quietum clamavi de me et heredibus meis inperpetuum predicto prior et eiusdem loci conventui et eorum successoribus totum jus et clamium quod unquam habui vel aliquo modo habere potui in omnibus terris et tenementis cum pertinentiis suis que de eisdem priore et conventu de hereditate predicti Godefridi patris mei in predicta villa de Hemesby tenui Habenda et tenenda eisdem priori et conventui et eorum successoribus in liberam puram et perpetuam elemosinam quiete et solute de me et heredibus meis in perpetuum Ita quod nec ego nec aliquis heredum meorum in predictis tenementis cum pertinentiis aliquid juris vel clamaui decetero exigere vel vendicare poterimus Pro hac autem concessione remissione relaxatione et quieta clamatione dedit michi predictus prior triginta marcas argenti per manibus et unam peciam terre in Hemesby quam Johannes Isabel de predicto priore tenuit et ei reddidit Pro qua quidem terra idem prior homagium meum cepit et me manumisit In cuius rei testimonium presenti scripto sigillum meum apposui Hiis testibus domino Willelmo de Redham domino T de Begevile Willelmo filio senescalli de Hemesby Johanne filio Simonis de eadem Radulfo de Estgate de eadem Willelmo Godefrey de eadem et aliis Dat apud Norwycum pridie kal Marcii anno regni domini regis Edwardi tercio decimo