Charter Document - 05510119
| Charter Number: | 05510119 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Lay |
| Charter Type(s): | Manumission |
| Date: | 1160 - 1199 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri heredes mei et amici mei et homines mei quod Canonici beate Marie de Messendene ex dono meo et concessione mea tam pro amore dei quam pro empcione sua habent et possident tamquam proprios empticios suos Ailricum filium Cedrici de Nigwella et Gilbertum filium Osberti molendinarii de Cestreham nepotem scilicet Pagani molendinarii liberos et quietos et penitus absolutos ab omni hereditario iure et servicio et consuetudinibus quas in eis antecessores mei habere debebant Et ego Ricardus de Sifrewast in eisdem et in progenie que de hiis orta est et orietur hereditarie habendum et habere deberem et heredes mei Hec autem predescripta donacio et concessio in perpetuam elemosinam a me facta est predictis canonicis pro salute anime mee et uxoris mee et nostre progenei preterite presentis et future et dominorum et amicorum nostrorum Hiis testibus cum sigilli nostri attestacione