Charter Document - 05510102
| Charter Number: | 05510102 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1230 - 1240 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Johannes Bec de Boby salutem Noveritis me divine karitatis intuitu dedisse concessisse et hac mea presenti carta confirmasse Deo et beate Marie et commune canonicorum Lincoln ecclesie medietatem unius tofti cum pertinenciis in villa de Navenby quam Symon nepos Dode tenuit et dimidiam bovatam terre cum pertinenciis quam idem Symon tenuit de me in eadem villa et predictum Symonem nativum meum cum Margareta uxore sua et cum tota sequela sua ex corpore suo procreata et procreanda in perpetuum et omnibus rebus suis et catallis suis liberum solutum et quietum de me et heredibus meis in perpetuum Tenend[um] et habend[um] predicte commune canonicorum in liberam puram et perpetuum elemosinam sine contradiccione mei et heredum meorum Ego vero predictus Johannes et heredes mei predictam medietatem tofti cum pertinenciis et predictum Symonem nepotem Dode cum Margareta uxore sua et cum tota sequela sua et cum omnibus rebus suis et catallis ut predictum est predicte commune canonicorum Linc ecclesie in perpetuum warantizabimus defendemus et adquietabimus contra omnes homines In huius autem rei robur et testimonium presenti scriptum sigillum meum apposui Hiis testibus Henrico sacrista Helia succentore Roberto Basset magistro Hugone de Rasen Philippo de Kelles Gilberto Fluri Thoma de Sancto Lucio Willelmo de Dunston Ricardo de Sancto Lucio et aliis