Charter Document - 05510099
| Charter Number: | 05510099 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Lay |
| Charter Type(s): | Manumission |
| Date: | 1220 - 1230 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Rogerus de Wilegheby et Maria uxor eius salutem Noveritis universitas vestra nos caritatis intuitu et pro salute animarum nostrarum et omnium antecessorum et successorum nostrorum dedisse et concessisse et presenti carta nostra confirmasse Deo et beate Marie et commune canonicorum Linc ecclesie Rogerum Cod filium Radulfi de Anderb nativum nostrum cum tota sequela sua et cum omnibus catallis suis liberum solutum et quietum de nobis et heredibus nostris in puram et perpetuam elemosinam perpetuo possidendum Et ut hec nostra donatio futuris temporibus firma et stabilis permaneat presens scriptum sigillorum nostrorum appositione corroboravimus Hiis testibus Thoma sacrista Henrico de Altari et Galfrido de Wicham capellanis Petro de Ballio magistro Michaele magistro fabrice ecclesie Linc Thoma clerico Osberto de Neuport et multis aliis clericis et laicis