Charter Document - 05510095
| Charter Number: | 05510095 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Lay |
| Charter Type(s): | Manumission |
| Date: | 1220 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Rogerus decanus et capitulum Linc ecclesie salutem Noverit universitas vestra nos concessisse et presenti carta nostra confirmasse Roberto filio Osberti de Toft unum toftum in villa de Neuton quod jacet proximum culture Osberti Arsic militis ex occidentali parte ville eiusdem et unam bovatam terre in territorio de Neuton que pertinet ad predictum toftum scilicet quam Willelmus de Loudhian tenuit cum tofto prefato illud videlicet toftum et illam bovatam que prefatus Osbertus Arsic nobis contulit in elemosinam Habendum et tenendum eidem Roberto et cuicunque assignare voluerit exceptis viris religiosis et Judeis cum omnibus pertinenciis libertatibus et aisiamentis infra villam et extra libere quiete hereditarie Reddendo nobis per annum octodecim denarios pro omni servicio ad nos pertinente scilicet novem denarios ad Pascha et novem denarios ad festum sancti Michaelis In huius igitur rei robur et testimonium presenti scripto sigillum nostrum apposuimus