Charter Document - 05510092
| Charter Number: | 05510092 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1220 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Philippus de Kyma filius Symonis de Kyma salutem Noveritis me divina pietatis intuitu et pro salute anime mee et omnium antecessorum et successorum meorum dedisse et concessisse et presenti carta mea confirmasse Deo et beate Marie et commune canonicorum Lincolniensis ecclesie Hugonem filium Rogeri filii Gymp de Baumburg nativum meum cum tota sequela sua et cum omnibus catallis suis liberum solutum et quietum de me et heredibus meis inperpetuum et ut hec mea donacio futuris temporibus rata et inconcussa permaneat eam presenti scripto et sigilli mei apposicione corroboravi Hiis testibus Thoma de Nortona Henrico de Torpell Elya Thoma de Hardres capellanis Osberto de Neuport Philippo de Tumba Willelmo de Dinington Thoma de Waltham Widone de Keles et aliis