Charter Document - 05510054
| Charter Number: | 05510054 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1275 |
| Date type: | Internal, A.D., Calendar |
| Resource Link(s): |
Durham Cathedral Archive - Register I (fi71v) |
Charter:
Omnibus Christi fidelibus presens scriptum visuris vel audituris Ricardus prior et conventus Dunelm ecclesie salutem in domino sempiternam Noveritis nos manumisisse et a servitute in libertatem perpetuam vocasse Robertum filium Roberti filii Wymeri de Cupun et tota sequela sua in perpetuum Et ideo volumus et concedimus et quantum in nobis est precipimus quod dictus Robertus et omnes et singuli de sequela sua in se defendendo in alios conveniendo et attestando duellum invadiando et in omnibus contractibus nominatis et non nominatis liberi admittantur inperpetuum ubicunque liberi et ingenui locum possunt optinere Et ne nos vel aliquis successorum nostrorum dictum Robertum vel aliquem de sequela sua ad aliquam consuetudinem vel exaccionem servilem de cetero in terra nostra vel extra compellere possimus aut hanc manumissionem vel libertatis donacionem infringere aut in aliquo infirmare nos pro nobis et successoribus nostris presens scriptum sigillo capituli nostri roboravimus Dat[um] apud Dunelm x kalendas Januarii anno domini millesimo lxx quinto