Charter Document - 05510052
| Charter Number: | 05510052 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1262 |
| Date type: | Internal, A.D., Calendar |
| Resource Link(s): |
Durham Cathedral Archive - Register I (fi71r) |
Charter:
Universis ad quos presens scriptum pervenerit Hugo prior Dunelm ecclesie et eisudem loci conventus salutem in domino sempiternam Noveritis nos manumisisse et a servitute in libertatem perpetuam vocasse nativum quondam nostrum Radulphum de Pitindon et totam sequelam suam quare volumus et precipimus quantum in nobis est quod dictus Radulphus et omnes et singuli de sequela sua in se defendendo et alios conveniendo et attestando et in omnibus causis et contractibus nominatis et innominatis ubicunque liberi et ingenui liberum locum optinere poterint liberi admittantur in perpetuum Et ne per nos vel successores nostros dictus Radulphus vel aliquis de sequela sua ad aliquam consuetudinem vel exaccionem servilem in terra nostra vel extra de cetero poterit compelli aut dicta manumissio seu libertatis donacio infringi vel aliquo modo infirmari nos pro nobis et successoribus nostris presens scriptum sigillo capituli nostri fecimus communiri Teste capitulo nostro Dat[um] Dunelm quarto kalendas Novembr anno gracie millesimi ducentesimi sexagesimi secundi