Charter Document - 05510051
| Charter Number: | 05510051 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1261 |
| Date type: | Internal, A.D., Calendar |
| Resource Link(s): |
Durham Cathedral Archive - Register I (fi71r) |
Charter:
Universis ad quos presens scriptum pervenerit Hugo prior Dunelm ecclesie et eisudem loci conventus salutem in domino sempiternam Noveritis nos manumisisse et a servitute in libertatem perpetuam vocasse et constituisse nativum quondam nostrum Gamellum de Iarue et totam sequelam suam quare volumus et precipimus quantum in nobis est quod dictus Gamellus et omnes et singuli de sequela sua in se defendendo et alios conveniendo et attestando in omnibus aliis causis et contractibus nominatis et innominatis ubicunque liberi et ingenui liberum locum optinere poterint liberi admittantur in perpetuum Et ne per nos vel successores nostros dictus Gamellus vel aliquis de sequela sua ad aliquam consuetudinem vel exaccionem servilem in terra nostra vel extra de cetero possit compelli aut dicta manumissio seu libertatis donacio infringi vel aliquo modo infirmari nos pro nobis et successoribus nostris presens scriptum sigillo capituli nostri fecimus comuniri Teste capitulo nostro dat[um] Dunelm pridie Non Januarii anno gracie millennii ducentesimi sexagesimi primi