Charter Document - 05510023
| Charter Number: | 05510023 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1230 - 1265 |
| Date type: | Assigned |
| Resource Link(s): |
|
Charter:
Noverint universi quod ego Stephanus Bodmer de Oxonia et Alicia de Limesi uxor mea dedimus et concessimus et hac praesenti carta nostra confirmavimus et quietos clamavimus Willelmum et Ricardum et Adam filios Rogeri Pecke de Heyford et Matildam sororem eorum Rogero clerico de Kaverefeld ut liberos et quietos ab omni servitute et demanda cum omnibus catallis et eorum sequelis de nobis et haeredibus nostris sibi et haeredibus suis vel cuicumque assignare voluerit pro sexdecim solidis sterlingorum quos idem Rogerus nobis dedit in gersumiam Et ad hanc conventionem firmiter tenendam affidavimus et tactis sacrosanctis juravimus totam predictam conventionem cum hominibus praedictis et catallis et eorum sequelis dicto Rogero vel suis assignatis contra omnes gentes warantizare Et ut haec convencio et praedictorum hominum quieta clamatio rata et inconcussa imperpetuum permaneat huic praesenti cartae sigillum nostrum apposuimus Hiis testibus Domino Willelmo de Bechamton Domino Waltero persona de Heyford [] et multis aliis