Charter Document - 05510021
| Charter Number: | 05510021 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1242 - 1257 |
| Date type: | Assigned |
| Resource Link(s): |
|
Charter:
Omnibus has litteras visuris vel audituris Margareta filia Willelmi de Framlyngton salutem in domino Noverit universitas vestra me in legitima potestate mea et viduitate concessisse et dedisse Adam filium Rogeri filium Symonis de Framlyngton nativum meum cum tota sequela sua et cum omnibus catallis suis tam animatis quam inanimatis Deo et ecclesie Sancti Petri de Brinkeburn et canonicis ibidem Deo servientibus pro salute anime mee et antecessorum meorum in liberam puram et perpetuam elemosinam Et ne igitur post decessum meum heredes mei vel aliquis alius aliquod ius vel clamium in predicto Ada vel in sequela sua vel catallis suis decetero vendicare poterunt presens scriptum predictis canonicis de predicto dono meo eis feci Et ad majorem securitatem sigilli mei munimine roboravi Hiis testibus Roberto de Alneham Utredo de Eslington Gaufrido Fabro et aliis