Charter Document - 05510012
| Charter Number: | 05510012 |
|---|---|
| Cartulary Title: | Manumission Charters [Durham] |
| Charter Language: | Latin |
| Charter Origin: | Lay |
| Charter Type(s): | Manumission |
| Date: | 1313 |
| Date type: | Internal, A.D. |
| Resource Link(s): |
|
Charter:
Omnibus Christi fidelibus hoc scriptum uisuris vel audituris Willelmus Brasse de Elletonne salutem in domino sempiternam Noueritis me remisisse concessisse et omnino quietum clamasse pro me et heredibus meis priori et conuentui de Blyd et eorum successoribus suis totum ius et clamium que habeo uel habere potero in uno mesuagio et duabus bouatis terre cum pertinenciis in Elletonne que quondam fuerunt Hugonis Brasse patris mei in eadem Ita quod nec ego Willelmus nec heredes mei nec aliquis alius nomine nostro aliquod ius uel clamium in preeidtis mesuagio et duabus bouatis terre uel aliquam accionem versus predictos priorem et conuentum uel eorum successores decetero habere poterimus uel vendicare in perpetuum In cuius rei testimonium sigillum meum presentibus est appensum Hiis testibus R de Wokatonne Roberto de Bekengham Thoma Warde Thoma de Stabulo Willelmo de la Lec Willelmo de Mistertonne et aliis Datum apud Blid die veneris quinto die Octobr anno domini MCCC tertiodecimo