Charter Document - 05500260
| Charter Number: | 05500260 |
|---|---|
| Cartulary Title: | The Cartulary of Blythburgh Priory |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1200 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus filius Hermeri pictoris remisi et penitus quietum clamavi deo et ecclesie sancte Marie de Blybur et canonicis ibidem deo servientibus pro salute anime mee et antecessorum et successorum meorum in liberam puram et perpetuam elemosinam xij denarios de annuo redditu cum pertinentiis sine ullo retene mento mihi et heredibus meis quos quidem dictos duodecim denarios dicti canonici mihi annuatim reddere consueverunt pro terra quam Hermerus pater meus tenuit in villa de Dunstune Quare volo quod dicti canonici habeant et teneant quiete et pacifice in liberam puram et perpetuam elemosinam dictos xij denarios cum pertinentiis sine clamio mei et heredum meorum in perpetuum Et ego et heredes mei warantizabimus dictis canonicis dictos xij denarios cum pertinentiis contra omnes homines in perpetuum In huius rei testimonium presens scriptum sigilli mei impressione roboravi Hiis testibus domino Rogero filio Osberti domino Michaele de Bavent domino Willelmo de Money domino Rogero de Wymplys