Charter Document - 05500252
| Charter Number: | 05500252 |
|---|---|
| Cartulary Title: | The Cartulary of Blythburgh Priory |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1175 - 1225 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Robertus filius Reginaldi de Donewico salutem Notum facimus omnibus vobis in Christo quod ego Robertus assensu patris mei Reginaldi dedi et concessi et presenti carta confirmavi tres solidatas redditus de hereditate matris mee Botild in Donewico ecclesie sancte Marie de Blybur et canonicis in eadem deo servientibus Rogerus autem tunc prior eiusdem ecclesie coram multis in Donewico suscepit homagium de illis qui hos redditus annuatim debent ecclesie prefate persolvere videlicet de Godwyno de Holm qui debet xij denarios de Alveva filia Boltere qui debet iiij denarios de Safulh filio Alfeti qui debet viij denarios de Henrico Blus qui debet vj denarios de Alurico Cache qui debet vj denarios Dedi insuper predicte ecclesie tres acras de terra arabili in Westiltune liberas et quietas de omni terreno servitio et v marcas argenti et post decessum meum bruerium quod iacet subtus nemus de Westwode in perpetuam et liberam elemosinam salvo servitio domini scilicet xij denarios et hoc feci []