Charter Document - 05470970
| Charter Number: | 05470970 |
|---|---|
| Cartulary Title: | Historia et Cartularium Monasterii Sancti Petri Gloucestriae [Gloucester] |
| Charter Language: | Latin |
| Charter Origin: | Religious |
| Charter Type(s): | Charter |
| Date: | 1310 |
| Date type: | Internal, A.D. |
| Resource Link(s): |
|
Charter:
Tenore presentium litterarum pateat universis quod nos Ricardus permissione divina Herefordensis episcopus recepimus et habuimus per manum Johannis de Bery liberantis tredecim marcas legalium sterlingorum a venerabili patre domino Johanne Dei gratia abbate monasterii Sancti Petri Gloucestrie et ejusdem loci conventu nobis debitas ratione servitii seu scutagii vel pro uno milite exhibendo in exercitu domini regis in Scotiam pro omnibus terris et tenementis quas predicti abbas et conventus seu tenentes sui tenent de nobis in Ullingewyke Et volumus quod de omnibus arreragiis cujuscumque servitii militaris a principio mundi usque ad datam presentium sint quieti Et nolumus quod ista solutio nobis modo facta abbati predicto vel successoribus suis seu ecclesie sue predicte in aliquo imposterum sit prejudicialis quin pro portione sua villate predicte de Ullingewyke prout consueverant et de jure tenentur cum ad suum turnum militarem venerint scutagium cum acciderit solvant In cujus rei testimonium sigillum nostrum presentibus est appensum Datum apud Bosebury tertio idus Octobris anno Domini millesimo trecentesimo decimo
Source (click image below to view full size)
