Charter Document - 05469713
| Charter Number: | 05469713 |
|---|---|
| Cartulary Title: | Historia et Cartularium Monasterii Sancti Petri Gloucestriae [Gloucester] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1223 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Honorius episcopus servus servorum Dei dilectis filiis priori Lanthonia et archidiacono Gloucestria Wygorniensis dyoecesis et officiali Wigorniensi salutem et apostolicam benedictionem Ex parte dilecti filii W rectoris ecclesie de Langeleia nobis est oblata querela quod Ricardus presbyter priorissa et moniales monasterii de Ancrewic et quidam alii clerici et laici Lincolniensis Saresburiensis et Wigorniensis dioecesis super ecclesia de Prestewike ad ecclesiam eandem spectante decimis et rebus aliis injuriantur eidem Quocirca discretioni vestre per apostolica scripta mandamus quatinus partibus convocatis audiatis causam et appellatione remota fine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint per censuram eandem cogatis veritati testimonium perhibere Quod si non omnes hiis exequendis potueritis interesse duo vestrum ca nihilominus exequantur Datum Laterani quarto idus Aprilis pontificatus nostri anno septimo
Source (click image below to view full size)
