Charter Document - 05460849
| Charter Number: | 05460849 |
|---|---|
| Cartulary Title: | Historia et Cartularium Monasterii Sancti Petri Gloucestriae [Gloucester] |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1277 |
| Date type: | Internal, Regnal, Feast |
| Resource Link(s): |
|
Charter:
Universis Christi fidelibus ad quos praesens scriptum pervenerit r[eginaldus] permissione divina abbas Sancti Petri Gloucestriae salutem in Domino sempiternam Noverit universitas vestra nos manumisisse et libertati donasse Henricum Bitele nativum nostrum de Berthona volentes et concedentes pro nobis et successoribus nostris quod idem Henricus cum tota sequela sua libere possit ingredi et egredi terram nostram absque aliquo impedimento nostri vel ballivorum nostrorum et catalla sua de terra nostra educere pro libito sum voluntatis ita quod nec nos nec successores nostri nec aliquis nomine nostro quicquam in ipso vel in tota successione sua vel in catallis suis ratione servitutis exigere vel vendicare possimus in posterum [sed] ab omnimodo jure et clamio quo ad ipsum et totam successionem suam et bona eorundem penitus excludamur in perpetuum Salvo nobis uno pari calcarium annui redditus singulis annis in festo Paschae solvendo pro omni servitio ad nos pertinente ratione qualiscunque servitutis In cujus rei testimonium praesenti scripto sigillum nostrum existit appensum Datum Gloucestriae in octabis Sanctae Trinitatis anno regni regis Edwardi quinto
Source (click image below to view full size)
