Charter Document - 05460742

Sciant presentes et futuri quod ego Radulphus de Willintone dedi concessi et hac presenti carta mea confirmavi Deo et ecclesie Beati Petri Gloucestrie Reginaldo abbati monachis ibidem Deo servientibus homagium et servitium Hereberti le Buth et heredum suorum cum wardis releviis herietis et omnibus quibuscunque eschetis et pertinentiis que mihi vel heredibus meis de predicto Hereberto heredibus suis vel tenemento suo aliquo modo accidere potuerunt Dedi etiam Deo et ecclesie Beati Petri Gloucestrie et predictis abbati et monachis ibidem Deo servientibus quatuor acras terre cum pertinentiis in campo qui vocatur Abbodeshulle jacentes inter terram predicti Hereberti et terram Roberti Suffyn Dedi etiam et concessi Deo et ecclesie Beati Petri Gloucestrie et monachis ibidem Deo servientibus unam acram prati et dimidiam cum pertinentiis quod jacet inter pratum dictorum abbatis et conventus et pratum Matildis La Paumere in villa de Sondhurste habendum et tenendum dictis abbati et conventui et eorum successoribus in liberam puram et perpetuam elemosinam in perpetuum in extenta duarum marcarum et dimidie annui redditus quas predicti abbas et conventus solebant et debebant recipere de camera Radulphi de Willintone patris mei et heredum suorum in partem defectus sustentationis duorum sacerdotum celebrantium divina in capella Beate Marie pro animabus antecessorum meorum Ego vero Radulphus et heredes mei homagium et servitium predicti Hereberti una cum wardis releviis herietis et omnibus quibuscunque eschetis et pertinentiis una cum predictis terra et pratis et eorum pertinentiis predictis abbati et conventui et eorum successoribus contra omnes mortales warantizabimus acquietabimus et defendemus in perpetuum In cujus rei testimonium presenti carte [] Datum Gloucestrie in crastino Sancti Benedicti abbatis anno Domini millesimo ducentesimo sexagesimo quinto