Charter Document - 05460653
| Charter Number: | 05460653 |
|---|---|
| Cartulary Title: | Historia et Cartularium Monasterii Sancti Petri Gloucestriae [Gloucester] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1146 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod hec est conventio facta inter abbatem et conventum Sancti Petri Gloucestrie et dominum Robertum Hardinge anno Incarnationis Dominice millesimo centesimo quadragesimo sexto in festo Beati Michaelis quod ego Robertus Harding recepi manerium de Treygof in Glammorgan cum terra de Pennum et cum aliis terris et reditibus omnibus ad dictum manerium pertinentibus et ecclesiam de Lancarvan cum domibus et curtillagiis et decimis ad dictam ecclesiam spectantibus de dictis abbate et monachis usque ad terminum quinquennii sequentis pro quater viginti libris argenteis Ita quod si memoratus abbas possit vel velit dictam pecuniam mihi vel uxori mee vel heredibus meis ante prefatum terminum persolvere computato rationabiliter commodo rerum receptarum ex parte mea dummodo fuerit mihi vel meis satisfactum ego et heredes mei absque omni difficultate dictum manerium de Treigof et prefatam ecclesiam cum omnibus prenominatis dictis abbati et conventui restituemus [hujus conventionis testes sunt dominus Willelmus comes Gloucestrie et totus comitatus de Kairdif]
Source (click image below to view full size)
