Charter Document - 05451159
| Charter Number: | 05451159 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Papal |
| Charter Type(s): | Grant |
| Date: | 1236 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Gregorius episcopus servus servorum dei dilectis filiis de Neweham et de Caldewelle prioribus et decano de Bedeford Lincoln diocesis salutem et apostolicam benedictionem Conquestus est nobis rector ecclesie de Eysi quod venerabilis frater noster episcopus Meneven abbatissa et conventus de Godest et quidam alii Lincoln Meneven et Saresbir diocesum super decimis possessionibus et rebus aliis iniuriantur eidem Ideoque discretioni nostre per apostolica scripta mandamus quatinus partibus convocatis audiatis causis et appelatione remota fine debito terminetis facientes quod statueritis auctoritate nostra firmiter observari Testes autem qui fuerint nominati si se gratia odio vel timore subtraxerint per censuram ecclesiasticam apellatione cessante cogatis veritati testimonium perhibere Quod si non omnis hiis exequendis paternitis interesse duo vestrum ea nichilominus exequantur Data Perusii xvj Kal Augusti pontificatus nostri anno ix