Charter Document - 05451022
| Charter Number: | 05451022 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Papal |
| Charter Type(s): | Decree |
| Date: | 1241 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Gregorius episcopus servus servorum dei dilecto filio priori Sancti Jacobi de Norhamton Lincolnien diocesis salutem et apostolicam benedictionem Dilectus filius rector ecclesie de Witham crucesignatus nobis conquerendo monstravit quod abbatissa et conventus de Godestowe Johannes de Lucy presbyter Rogerus de Wichtham et quidam alii clerici et laici Lincolnien et Saresbirien civitatum et diocesis super possessionibus decimis debitis et rebus aliis iniuriantur eidem ideoque discrecioni tue per apostolica scripta mandamus quatinus partibus convocatis audias causam et appelatione remota usuris cessantibus debito fine decidas faciens quod decreveris per censuram ecclesiasticam firmiter observari testes autem qui fuerint nominati si se gratia odio vel timore subtraxerint per censuram eandem cessante appellatione conpellas veritati testimonium perhibere Data Lateran vi kal Aprilis pontificatus nostri anno quartodecimo