Charter Document - 05450820
| Charter Number: | 05450820 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1299 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Alicia de Gorges permissione divina abbatissa de Godestowe et eiusdem loci conventus salutem in domino Noverit nos concessisse et dimisisse Petro de Skelton clerico unum curtilagium in parochia sancti Michaelis iuxta portam borialem Oxon propinquiorem cuidam tenemento quod aliquando fuit magistri Willelmi Coudray contra muros ville salva nobis potestate domos ibidem ad opus nostrum construendi secundum quod parietes ibidem ad domos construendas incepte se extendunt habendum et tenendum predicto Petro et suis assignatis a festo sancti Mathie apostoli anno regni regis Edwardi vicesimo septimo usque ad finem decem annorum proximo sequentium plene completorum reddendo inde annuatim nobis et successoribus nostris in domo nostra de Godestowe ii s argenti ad festum annunciationis beate Marie ad quam quidem solutionem predicti redditus nobis et successoribus nostris predicto termino singulis annis fideliter faciendam obligat se predictus Petrus et omnia tenementa sua in villa predicta cohercioni et districtioni ballivorum nostrorum quorumcumque quod possint eum distringere in omnibus tenementis suis et districtioni retinere quousque de arreragiis predicti redditus si que fuerint una cum dampnis plenarie fuerit satisfactum Et liceat etiam nobis predictum curtilagium in manus nostras reassumere si redditus predictus per unum mensem ultra diem statutum solutionis eiusdem a retro exstiterit Et tenetur predictus Petrus muros mundales circa curtilagium predictum sumptibus suis reparare et sustinere In cuius rei testimonium presenti scripto indentato sigillum nostrum apposuimus Et predictus Petrus parti penes nos remanenti sigillum suum apposuit Hiis testibus Roberto de Wormenhale tunc maiore Oxon Thoma de Sowy Ricardo le Especer Andrea de Pyrye Andrea Culverd et aliis