Charter Document - 05450816
| Charter Number: | 05450816 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1192 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes filius Radulphi de Sancto Martino concessu Petri heredis mei et ceterorum heredum meorum et Gunnilde uxoris mee concessi et dedi deo et ecclesie sancte Marie et sancti Johannis baptiste de Godestowe et monialibus ibidem deo servientibus in feudum et hereditatem terram meam que jacet inter terram quam predicta ecclesia tenet de feudo sancte Marie et virgultum meum tenendam de me et heredibus meis liberam et quietam ab omni servitio reddendo michi et heredibus meis de predicta terra annuatim vi d ad festum sancti Michaelis Pro hac concessione et donatione sepedicta ecclesia dedit michi et Petro heredi meo et Gunnilde uxori mee ii marcas argenti et iiii marcas michi remisit quas debui predicte ecclesie Et quia ego Johannes et Petrus heres meus volumus quod hec concessio et donatio inperpetuum firme permaneant sigillorum nostrorum appositione corroboravimus Hiis testibus Nigello decano Thoma Walerano capellanis Johanne Kepeharm Laurentio Kepeharm Petro filio Galfridi Thoma senescallo Luca janitore Rogero le messer Thoma filio Ailrici Thoma de Thadem et multis aliis