Charter Document - 05450814
| Charter Number: | 05450814 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1196 - 1219 |
| Date type: | Assigned |
| Resource Link(s): |
|
Charter:
Juliana dei gratia abbatissa de Godestowe et eiusdem loci conventus universis sancte matris ecclesie filiis salutem Noverit universitas vestra quod nos communi consilio et assensu conventus nostri concessimus et tradidimus Petro filio Gaufridi filii Durant et heredibus suis tenendam de nobis in Oxeneford unam marcatam redditus quam Galfridus pater predicti Petri et Matillis mater eius dederunt ecclesie de Godestowe quando eadem Matillis suscepit habitum religionis nobiscum de terris quas Audoenus et Rogerus Sorus tenuerunt de Galfrido patre predicti Petri De hiis terris prefatis sepedictus Petrus unam marcam argenti annuatim reddet ad duos terminos ad festum sancti Michaelis dimidiam marcam et ad pascha dimidiam De hoc redditu fideliter reddendo prestitit nobis fidelitatem in capitulo nostro Hiis testibus Simone priore de Sancta Frideswida Thoma Walerano Gileberto capellanis de Godestowe Willelmo filio Henrici Willelmo de Brug Amis de Wodestok Pagano clerico Johanne Chepherm Thoma filio Heilric et multis aliis