Charter Document - 05450803
| Charter Number: | 05450803 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1275 - 1300 |
| Date type: | Assigned |
| Resource Link(s): |
|
Charter:
Noverint universi presentes et futuri quod ego Emma filia Henrici Flemyng relicta quondam Henrici Tulus de Ickeford dedi concessi et hac presenti carta mea confirmavi Ricardo filio meo pro homagio et servitio suo totam terram meam cum prato et mesuagio et aliis pertinentiis dicte terre pertinentibus in villa et campis de Ickeford quam teneo de abbatia et conventu de Godestowe Dedi et concessi eidem Ricardo totum jus libertatem et clamium quod ego in predicta terra cum pertinentiis unquam habui vel habere potui habendam et tenendam cum omnibus pertinentiis et libertatibus de me et heredibus meis predicto Ricardo et heredibus suis vel assignatis suis libere quiete bene et pacifice tam infra villam quam extra et in omnibus locis et aisiamentis dicte terre spectantibus reddendo inde annuatim abbatie et conventui de Godestowe dimidiam marcam argenti ad duos anni terminos videlicet ad nativitatem beati Johannis baptiste iii s et iiii d et ad festum sancti Andree apostoli iii s et iiii d pro omnibus servitiis secularibus consuetudinibus exactionibus curiarum sectis et omnibus demandis salvo servitio domini regis quantum pertinet ad eundem tenementum eiusdem ville de eodem feodo Et ego predicta Emma et heredes mei totam predictam terram cum omnibus pertinentiis prenominatis ut predictum est predicto Ricardo et heredibus suis vel suis assignatis per predictum servitium contra omnes gentes warantizabimus acquietabimus et defendemus inperpetuum Pro hac autem donatione concessione et presentis carte mee confirmatione dedit dictus Ricardus memorate Emme xl s sterlingorum premanibus in geresomam Et ut hec mea donatio concessio et presentis carte mea confirmatio robur firmitatis optineant inperpetuum presentem cartam sigilli mei inpressione roboravi Hiis testibus Ricardo de Bellafago Thoma de Ickeford Waltero de Newenton Roberto de Witten Johanne de la Bege Henrico de Godestowe Willelmo venatore Henrico frankelano Galfrido piscatore Rogero frankelano Rod Dobin clerico et aliis