Charter Document - 05450800
| Charter Number: | 05450800 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1300 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Elias filius Roberti concessi et hac presenti carta mea confirmavi deo et ecclesie sancte Marie et sancti Johannis baptiste de Godestowe et monialibus ibidem deo servientibus in puram et perpetuam elemosinam pro salute anime mee et antecessorum meorum totum ius quod habent in omnibus terris in Eboraco in Littilgate que iacent inter Thursegail et terram Henrici Bustard quas habent ex dono fratrum meorum Rogeri et Tome libere et quiete ab omni seculari servitio et exactione excepto servitio capitalis domini scilicet ii s per annum pro omni servitio et excepta dimidia libra cimini quam debent solvere inde moniales nominate michi et heredibus meis pro omni servitio ad natale domini secundum tenorem carte quam habent de Thoma fratre meo Et ego et heredes mei warantizabimus has predictas terras predictis monialibus secundum cartam T fratris mei prenominatam Hiis testibus Willelmo capellano Willelmo medico Willelmo de Jarn Werberto Hugone de Duningt Alexandro filio Roberti et multis aliis