Charter Document - 05450795
| Charter Number: | 05450795 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1298 |
| Date type: | Internal, Feast, Regnal |
| Resource Link(s): |
|
Charter:
Omnibus fidelibus Christi ad quos presens scriptum pervenerit Johannes atte Grove de Longeworthe salutem in domino Noveritis me teneri domine abbatisse de Godestowe et eiusdem loci conventui in x s annui redditus eisdem in domo sua de Godestowe singulis annis ad festum sancti Michaelis de molendino de Dudekesford solvendos inperpetuum ad quam quidem solutionem redditus predicti x s eisdem et earum successoribus inperpetuum annuatim ad terminum predictum fideliter et sine dolo faciendam obligo me heredes et assignatos meos et omnes terras et tenementas mea in Longeworthe et omnibus aliis locis in quorumcumque manus devenerint una cum molendino predicto aquis piscariis et omnibus aliis pertinentiis suis cohercioni et districtioni predictarum abbatisse et conventus seu ballivorum suorum quod possint nos in omnibus predictis distringere et districtionem retinere quousque arreragia predictorum x s sique fuerint quod absit una cum dampnis et expensis sique predicta abbatissa et conventus sustinuerint ea occasione plenarie persolvantur Et si contingat predictum molendinum aliquo casu contingente corruere prosterni vel omnino deleri seu comburi quod non ideo minus tenear pro me et heredibus meis seu etiam quibuscumque terras et tenementa mea de cetero tenentibus liceat predictis abbatisse et conventui in predictis x s anni redditus eisdem inperpetuum de tenementis predictis ad terminum predictum singulis annis per districtionem predictam ut predictum est plenarie persolvere Et ad maiorem securitatem eisdem super solutione predicti redditus ut predictum est faciendum obligo me et heredes meos districtioni cuiuscumque iudicis ecclesiastic quem predicti abbatissa et conventus eligere voluerint quod possit nos per censuram ecclesiasticam ad solutionem predictam omni exceptioni postposita compellere In cuius rei testimonium presenti scripto sigillum meum apposui Hiis testibus Willelmo de Worthe Johanne de Beterthon Elia de Newynton Rogero Fynacourt Johanne atte Coumbe Johanne Geffray et aliis Data apud Godestowe die Jovis proxima post festum sancti Georgii anno regni regis Edwardi filii regis Henrici vicesimo sexto