Charter Document - 05450794
| Charter Number: | 05450794 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1246 |
| Date type: | Internal, A.D. |
| Resource Link(s): |
|
Charter:
Omnibus Christi fidelibus ad quos littere presentes pervenerint M divina permissione abbatissa de Bertocurt et totus eiusdem loci conventus salutem et orationum suffragia Noverit universitas vestra quod abbatissam de Godestowe receptricem nostram cuiusdam redditus nostri in Anglia constituimus videlicet super xii s annuis de molendino de Dudekesford cum pertinentiis suis quam Henricus filius Henrici filii Symeonis de Oxonia tenet de nobis Concedimus etiam dicte abbatisse eandem potestatem quam habemus in illo molendino ad destringendum predictum Henricum et quemcumque tenentem illud molendinum secundum leges et consuetudines regni Anglie nisi dictum redditum nostrum ad terminos statutos eidem abbatisse reddiderit Et in huius rei testimonium litteras nostras patentes prenominate abbatisse fecimus inperpetuum duraturas et in qualibet curia eidem abbatisse tanquam nobis secure credatur pro nobis et super agendis nostris Data anno domini MCCxlvi mense Junii