Charter Document - 05450781
| Charter Number: | 05450781 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1328 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Margeria de Dyne permissione divina abbatissa de Godestowe et eiusdem loci conventus salutem in domino sempiternam Noveritis nos unanimi assensu et consensu capituli nostri tradidisse concessisse et dimisisse Johanni le maryner et Agneti uxori sue unum burgagium in villa de Creckelade quod quidem burgagium Galfridus Noht quondam tenuit et situatur inter vicum qui se extendit versus Chelesworthe ex parte boriali et burgagium Johannis le Bockar ex parte australi habendum et tenendum predictum burgagium cum suis pertinentiis predicto Johanni et Agneti uxori sue ad totum terminum vite eorundem per servitium inde debitum et de iure consueto reddendo inde annuatim nobis et successoribus nostris v s annui redditus ad quatuor anni terminos usuales per equales portiones durante termino supradicto ita tamen quod predictus Johannes et Agnes uxor sua predictum burgagium per totum terminum predictum sumptibus suis sustentabunt in adeo bono statu vel meliori sicut illud de nobis receperunt Et nos vero Margeria de Dyne abbatissa de Godestow et eiusdem loci conventus et successores nostri predictum burgagium cum suis pertinentiis predicto Johanni et Agneti uxori sue ad terminum vite eorundem ut supradictum est warantizabimus Et si dictus Johannes vel predicta Agnes uxor sua in parte vel in toto solutionis dicti redditus durante termino supradicto defecerint terminis usualibus antedictis obligant se ac etiam omnia bona sua mobilia et immobilia in dicto burgagio inventa districtioni ballivi dicte abbatisse et conventus qui pro tempore fuerit donec eisdem abbatisse et conventui de predicto redditu v s annuali una cum dampnis et expensis si que vel quas fecerint vel apposuerint occasione dicti redditus non soluti plenarie fuerit satisfactum In cuius rei testimonium presentibus scriptis indentatis sigillum nostrum commune una cum sigillo dictorum Johannis et Agnetis uxoris sue alternatim sunt appensa Data apud Godest in capitulo nostro die jovis proxima ante festum apostolorum Philippi et Jacobi anno regni regis Edwardi tertii post conquestum secundo