Charter Document - 05450779
| Charter Number: | 05450779 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1323 |
| Date type: | Internal, Regnal, Feast |
| Resource Link(s): |
|
Charter:
Omnibus Christi fidelibus presens scriptum visuris vel audituris Margeria de Dyne permissione divina abbatissa de Godestowe et eiusdem loci conventus salutem in domino sempiternam Noveritis nos unanimi assensu nostro dedisse et concessisse Johanni de Northweston et Cristiane uxori sue et eorum unicuique diutius viventis trigenti duas acras terre cum pertinentiis iacentes divisim in campo de Kingesclere quas predictas acras terre Ricardus de Wychesburi quondam tenuit habendas et tenendas predictas acras terre de nobis et successoribus nostris predictis Johanni et Cristiane uxori sue et eorum unicuique diutius viventis ut predictum est reddendo inde annuatim nobis et successoribus nostris x s argenti pro omnimodis servitiis et demandis ad duos anni terminos videlicet ad festum sancti Michaelis v s et ad festum pasche v s Et si redditus alicuius termini prestanti a retro fuerit usque ad finem anni concedunt predicti Johannes et Cristiana et eorum alter diutius vivens quod predicti abbatissa et conventus et eorum successores ipsos Johannem et Cristianam et eorum alterum diutius viventem omnino a predictis triginti duabus acris terre usque ad omnimodis arreragiis predictis abbatisse et conventui plenarie fiat restitutio In cuius rei testimonium presenti scripto in modo cirographi confecto partes alternatim sigilla sua apposuerunt Data apud Godestowe die dominica proxima ante festum sancti Mathei apostoli et evangeliste anno regni regis Edwardi filii regis Edwardi septimo decimo